黃大仙民政專員胡鉅華同黃大仙區青年發展及公民教育委員會，本月20日率領25位黃大仙區的大專同中學同學，乘坐高鐵到湖南省長沙市，讓青年踏足充滿歷史古跡同文化遺產的長沙，增加對中國文化的了解，又參觀了當地企業，增進港湘兩地青年交流同了解祖國發展近況。
長沙歷史源遠流長，更被譽為「世界工程機械之都」，擁有以工程機械、新材料為主的產業鏈。近年文創產業蓬勃，吸引咗好多國內外遊客前來遊覽。
今次交流團的行程豐富，青年剛到埗隨即到當地長者公寓進行義工服務、又參觀湖南大學同有過千年歷史的嶽麓書院，又同湖南大學學生交流。青年亦拜訪香港特別行政區政府駐湖南聯絡處，同湖南青年聯合會以及喺長沙讀書的香港學生交流。之後亦會去橘子洲、三一重工企業展覽館、湘繡博物館同湖南省博物館-馬王堆展廳等。
希望各位同學能夠把握機會，深入了解湖南長沙歷史同近況。黃大仙民政處會繼續同社會各界攜手合作，協助青年深入了解祖國嘅歷史同埋各省各市嘅最新發展！
